Ázerbaıjanda zeınetke shyǵý jasy uzartylady
ASTANA. QazAqparat - Ázerbaıjan prezıdenti Ilham Alıev «Eńbek zeınetaqylary týraly» zańǵa ózgerister engizý týraly týraly jarlyqqa qol qoıdy, dep habarlaıdy trend.az.
Ózgerister «eńbek zeınetaqysynyń negizgi bóligi» jáne zeınetaqy taǵaıyndaýǵa qajetti 12 jyldyq eńbek ótili túsinikterin joıýdy qarastyrady. «Eńbek zeınetaqysynyń negizgi bóligi» ornyna zańǵa «Eń tómen zeınetaqy» túsinigi engiziledi. Sondaı-aq, zeınetaqy jasyn erler úshin 63-ten 65 jasqa, áıelder úshin 60-tan 65-jasqa deıin birtindep kóterý kózdelgen. Erlerdiń zeınetaqy jasy 2021 jylǵa deıin, áıelder jasy - 2027 jylǵa deıin jyl saıyn alty aıǵa uzaryp otyrady. Ózgeristerge sáıkes, polıtsııa men áskerı qyzmetshilerdi qospaǵanda, barlyq kásip ıeleri úshin zeınetke shyǵýǵa qajetti jumys ótili kóteriledi. Zańǵa engizilgen ózgertýlerde memlekettik qyzmetshiler ótilin 15-ten 20 kúntizbelik jylǵa deıin, prokýrorlar úshin - 25-ten 35 jylǵa deıin kóterý týraly jazylǵan. Sáıkesinshe, ózge kásip ıeleriniń jumys ótili bes jylǵa kóteriledi.
