Ázerbaıjanda úı konservilerin satýǵa sertıfıkat engizilmek
ASTANA. KAZINFORM — Budan bylaı úı jaǵdaıynda daıyndalǵan konserviler, tosap jáne ózge de ónimderdi satýǵa jańa talaptar engizilýi múmkin. Bul týraly Kazinform agenttiginiń Bakýdegi menshikti tilshisi Xəzər TV arnasyna silteme jasap habarlaıdy.
Telearnanyń málimetinshe, Ázerbaıjanda úıde daıyndalǵan ónimderdiń sapasy men olardy satý talaptaryn retteıtin jańa júıe ázirlenip jatyr.
Ázerbaıjannyń Azyq-túlik qaýipsizdigi agenttiginiń habarlaýynsha, aldymen úıde jáne otbasylyq kásipte daıyndap, keıin satýǵa bolatyn ónimderdiń tizimi anyqtalady.
Mundaı ónimderdi daıyndaý, saqtaý, tasymaldaý jáne satý tártibine qoıylatyn talaptar belgilenedi. Sondaı-aq ónimniń qaýipsizdigin rastaıtyn tıisti qujattar engiziledi.
Jańa talaptar óńirlerdegi bazar saýdagerlerin de alańdatyp otyr. Olardyń aıtýynsha, úıde daıyndalǵan ónimderdi satý — kúnkóristiń negizgi kózi. Sondyqtan qosymsha shekteý engizile me degen qaýip bar.
Agenttik jańa tártip bir jaǵynan ónimderdiń qaýipsizdigin qamtamasyz etse, ekinshi jaǵynan olardy satýǵa ortaq ári zańdy talaptar qalyptastyratynyn atap ótti.
Buǵan deıin Qazaqstannyń halal sertıfıkaty Qatarda resmı tanylǵany habarlanǵan bolatyn.
Aqzat Jıenalına
