Ázerbaıjanda «Tynyshtyq kúni» bastaldy
BAKÝ. QazAqparat - Búgin Ázerbaıjanda erteń, 26 qyrkúıekke belgilengen eldiń Negizgi zańyna ózgerister men tolyqtyrýlar engizý boıynsha jalpy halyqtyq refereným aldyndaǵy tynyshtyq kúni bastaldy.
Ázerbaıjannyń Saılaý kodeksine sáıkes daýys berý kúni men onyń aldyndaǵy kúni úgit-nasıhat júrgizýge tyıym salynady.
Ázerbaıjan ortalyq saılaý komıssııasy bekitken kúntizbelik josparǵa oraı úgit naýqany 3-i bastalyp, 25 qyrkúıekte saǵat 08.00-de aıaqtaldy.
Eske salsaq, Ázerbaıjan prezıdenti Ilham Alıev 2016 jylǵy 26 qyrkúıekte el Konstıtýtsııasyna ózgerister engizý boıynsha referendým ótkizý týraly ókimge qol qoıǵan bolatyn.
