Ázerbaıjanda túıneme dertin juqtyrý kózi izdestirilýde
BAKÝ. QazAqparat – Ázerbaıjannyń Azyq-túlik qaýipsizdigi agenttigi Sabırabadta eki adamnyń túıneme dertine shaldyǵý deregi boıynsha tergeýdi bastady, dep habarlaıdy QazAqparat Trend agenttigine silteme jasap.
Agenttik málim etkendeı, Densaýlyq saqtaý mınıstrliginiń Sabırabad aýdany boıynsha Gıgıena jáne epıdemıologııa ortalyǵynan 25 shilde kúni ortalyq aýdandyq aýrýhananyń juqpaly aýrýlar bólimine aýdannyń turǵyndary Geıdarov Malık Alysh oglý men Gafarov Tofıg Geıbat oglý kelip túskeni týraly habarlama kelgen. Túınemege shaldyǵý kúdigi boıynsha patsıentterdiń taldaýy Imıshlın aýdandyq obaǵa qarsy stansaǵa jiberildi. Dereý agenttik mamandarynan turatyn zertteý toby quryldy. Olar kidirmeı oqıǵa ornyna jetti.
Top aqparatty taldap, anamnez jasap, naýqastarǵa tıesili sharýa ýchaskelerinde jáne mal ósiriletin jerlerde klınıkalyq zertteý júrgizdi. Úı janýarlary juqpanyń kózi bolmaǵany anyqtaldy.
Sondaı-aq, agenttik qyzmetkerleri naýqastardyń biriniń aǵasyna tıesili mal soıý beketin tekserdi. Sáıkes úlgileri alynyp, azyq-túlik qaýipsizdigi agenttiginiń zerthanasyna jiberildi.
Zertteý qorytyndysyna sáıkes, mal ósirýmen aınalysatyn sharýashylyqtan túınemege shaldyǵý deregi anyqtalmaǵan.
Qazirgi tańda agenttik mamandary juqtyrý kózin anyqtaý maqsatynda zertteý júrgizip jatyr.
