Ázerbaıjanda túrki áleminiń kóne ulttyq oıyndary ótti

ASTANA. QazAqparat - Ázerbaıjannyń Gıandja qalasynda Túrki álemi dástúrli balalar oıynynyń tórtinshi festıvali ótip jatyr, dep habarlaıdy Habar 24.  

Mundaǵy 100 qatysýshynyń arasynda qazaqstandyq oqýshylar da bar. Olar sharanyń ashylý saltanatynda ulttyq bılerimizdi bılep, kópshilikti tánti etti. Jalpy balalar asyq, bestas sekildi ulttyq oıyndar boıynsha synaqqa túsedi.

Aıta ketken jón, bul festıval alǵash ret Almatyda ótken edi. Odan keıin Astana men túriktiń Eskıshehır qalasynda uıymdastyrylǵan.

«Qatysýshylardyń barlyǵy sondaı meıirimdi. Bárimiz tatýmyz. Biz bir-birimizge týǵan qalamyz jaıly, dostarymyz týraly aıtyp, aqparat almastyq», - deıdi Qazaqstannan kelgen qatysýshy Lıana Ibragım.

Mundaǵy maqsat - kóne ulttyq oıyndardy dáripteý, balalardy jalpy túrki mádenıtine tartyp, oqýshylardyń shyǵarmashylyq áleýetin damytý.

«Túrkitildes elderdiń barlyǵynda bul oıyndar uqsas keledi. Olar osy kúnge deıin jetip otyr. Alaıda joǵary tehnologııalar zamanynda umyt bola bastady. Sondyqtan bul oıyndardy qaıta jandandyrý úshin balalardyń basyn qosyp, olardy aýyzbirshilik pen dostyqqa shaqyryp otyrmyz», - dep atap ótti «ıÝnýs Emre» ınstıtýtynyń Bakýdegi bólimshesiniń dırektory Ibragım Iyldyrym.