Ázerbaıjanda Túrki memleketteri uıymynyń beıresmı sammıti ótedi
TAShKENT. KAZINFORM – Prezıdent Ilham Álıevtiń shaqyrýymen Ózbekstan basshysy Shavkat Mırzıeev 5-6 shildede Ázerbaıjanǵa jumys saparymen barady, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Ózbekstan prezıdentiniń baspasóz qyzmetinen málim etkendeı, Shavkat Mırzıeev Shýsha qalasynda ótetin «Ózara kólik baılanysy jáne klımattyń ózgerýine qarsy kúres arqyly turaqty bolashaq qurý» taqyrybyndaǵy Túrki memleketteri uıymynyń beıresmı sammıtine qatysady.
Onyń barysynda kópjaqty yntymaqtastyqty odan ári keńeıtý máseleleri qaralady. Atap aıtqanda, prezıdentter eń aldymen saýda-ekonomıkalyq, kólik-logıstıkalyq, ınvestıtsııalyq, sondaı-aq «jasyl» ekonomıka, klımattyń ózgerýine qarsy kúres jáne adamı kapıtaldy damytý baǵyttary boıynsha pikir almasady.
Buǵan qosa, delegatsııa basshylary halyqaralyq jáne óńirlik kún tártibindegi ózekti máselelerdi talqylamaq. Іs-sharanyń qorytyndysy boıynsha birqatar birlesken qujatty qabyldaý josparlanyp otyr.
