Ázerbaıjanda týystar arasyndaǵy nekege tyıym salynǵannan keıin toılar sany kúrt azaıdy

ASTANA. KAZINFORM — Ázerbaıjanda bıyl shildede toılar sany kúrt azaıdy. 2025 jyldyń maýsymynda 5 myńnan astam neke tirkelse, shildede bul kórsetkish 2694-ke deıin tómendedi, dep habarlaıdy Oxu.az. 

Mamandar muny týystar arasyndaǵy nekege tyıym salynǵanymen baılanystyrady.

Jaqyn týystar arasyndaǵy nekege tyıym salatyn zań 2025 jyldyń 1 shildesinen bastap kúshine endi. Jańa erejeler ortaq atasy men ájesi bar aǵaly-ini, apaly-sińlilerdiń, sondaı-aq bıologııalyq týysqan sanalatyn nemere aǵa men naǵashy apalardyń balalaryna nekege turýǵa tyıym salady. Bul sheshim tuqym qýalaıtyn aqaýlarmen týylǵan balalardyń sanyn azaıtyp, deni saý urpaqty qamtamasyz etý maqsatynda qabyldanǵan.

Ázerbaıjan Ádilet mınıstrliginiń málimeti boıynsha, 2025 jyldyń qańtar-shilde aılarynda 12 146 ajyrasý tirkelgen. Degenmen, ajyrasýlar sany ótken jylmen salystyrǵanda birshama azaıyp, 1000 adamǵa shaqqanda 2,1-den 2,0-ge deıin tómendegen.

Zańǵa qatysty taǵy bir ózgeris neke jasyn tómendetýge ruqsat beretin normalar da joıyldy. Endi nekege turýǵa ótinish bildirgender týystyq dárejesin anyqtaý úshin týý týraly kýálik pen ata-anasy týraly qujattardy tapsyrýy qajet. Erejelerdi buzý ákimshilik nemese qylmystyq jaýapkershilikke sebep bolady.

Eske sala keteıik, Ázerbaıjan álemniń 85 elinen ákelinetin azyq-túlik ónimderine shekteý qoıdy.