Ázerbaıjanda taratylǵan eki banktiń múlki bássaýdaǵa qoıylady
ASTANA. QazAqparat - Taratylǵan bankterdiń múlikterin satý boıynsha birinshi bássaýda Ázerbaıjanda 10 shildede ótedi, dep habarlady Trend Ázerbaıjannyń salymshylardy saqtandyrý qoryna silteme jasap.
Birinshi aýktsıon aıasynda satýǵa eki ǵımarat, eki brondalǵan Atrabank ınkassatory, sondaı-aq jıhazdar men Royalbank jabdyqtary qoıylady.
Eki banktiń de lıtsenzııasyn 2016 jyly olardyń jıyntyq kapıtaly retteýishtiń mınımaldy (50 mln manat) talabyna sáıkes kelmegendikten, kredıtorlar aldynda mindettemelerdi oryndamaǵandyqtan alyp qoıǵan.
Ázerbaıjan salymshylardy saqtandyrý qory jumysqa 2007 jylǵy 13 tamyzda kirisken. Saqtandyrý salymy boıynsha protsenttik stavkanyń joǵary baǵasy úsh paıyzdy quraıdy. Ulttyq valıýtada saqtandyrý salymy boıynsha jyldyq protsenttik stavkanyń maksımaldy deńgeıi 15 paıyzdan aspaýy tıis.
