Ázerbaıjanda súıek kemigin transplantatsııalaý úshin sheteldik donorlar paıdalanylmaq

ASTANA. KAZINFORM –  Ázerbaıjanda kelesi jyldan bastap sheteldik bankterdegi donorlardy paıdalana otyryp, súıek kemigin transplantatsııalaý operatsııalaryn bastaý josparlanyp otyr, dep habarlaıdy Kazinform agenttiginiń tilshisi.

Ázerbaıjannyń Medıtsınalyq aýmaqtardy basqarý birlestiginiń (TƏBİB) atqarýshy dırektory Vıýgar Gýrbanovtyń aıtýynsha, osy baǵytta tıisti kelissózder júrgizilip jatyr, al alǵashqy protsedýralar shekteýli kólemde oryndalady.

— Kelesi jyldan bastap súıek kemigin transplantatsııalaý operatsııalary basqa elderdiń donorlyq bazalaryn paıdalaný arqyly júrgiziledi. Bul bizdiń densaýlyq saqtaý júıemiz úshin mańyzdy qadam, — dedi Gýrbanov.

Onyń aıtýynsha, Súıek kemigin transplantatsııalaý ortalyǵynyń zerthanalary úılesimdilikke qajetti barlyq testini júrgizýge tolyq daıyn.

— Aldaǵy jyldyń ortasyna qaraı sheteldik donorlardan patsıentterge jasalatyn alǵashqy transplantatsııalardy kóremiz dep kútilip otyr, — dedi TƏBİB basshysy.

Ol halyqaralyq donorlyq banktermen yntymaqtastyqtyń keńeıýi patsıentter úshin transplantatsııaǵa qoljetimdilikti aıtarlyqtaı arttyratynyn jáne qan aýrýlaryn emdeýdiń tıimdiligin joǵarylatatynyn atap ótti.

Aıta ketelik Qazaqstan dárigerleri Aýǵanstandaǵy gýmanıtarlyq mıssııaǵa qatysatyny týraly jazǵan edik.