Ázerbaıjanda sý tasqyny: 118 adam, onyń ishinde 25 bala evakýatsııalandy
ASTANA. KAZINFORM — Ázerbaıjan Tótenshe jaǵdaılar mınıstrligi (TJM) nóser jaýyn saldarynan sý basqan aýmaqtarda qaýipsizdik sharalaryn qabyldaý jumystaryn úzdiksiz júrgizip jatyr, dep habarlaıdy AZERTADJ.
Vedomstvonyń málimetinshe, qabyldanǵan sharalardyń nátıjesinde barlyǵy 118 azamat, onyń ishinde 25 kishkentaı bala qaýipsiz aımaqtarǵa jetkizildi.
Qutqarý jáne qalpyna keltirý jumystaryna Azamattyq qorǵanys áskerleri, Memlekettik órtke qarsy qyzmet, Erekshe táýekeldi qutqarý qyzmeti, Kishi kólemdi kemelerdi baqylaý jáne sýda qutqarý qyzmeti, sondaı-aq Sýmgaıyt óńirlik ortalyǵynyń kúshteri jumyldyrylǵan.
Buǵan deıin habarlanǵandaı, bastapqy kezeńde 84 adam, onyń ishinde 20 bala qaýipsiz jerge kóshirilgen bolatyn.
Qazirgi ýaqytta TJM kúshteri jumystardy jalǵastyryp jatyr.
Osydan buryn Ázerbaıjanda burynǵy áskerı shep aýmaǵynda mına jarylyp, turǵyn jaralanǵanyn jazdyq.