Ázerbaıjanda soǵys ardagerlerine qandaı qarjylaı kómek berildi
ASTANA. KAZINFORM — Ázerbaıjan prezıdenti Ilham Álıev Ekinshi dúnıejúzilik soǵys ardagerlerine birjolǵy kómek tóleý týraly jarlyqqa qol qoıdy, dep habarlaıdy AZERTADJ.
Ázerbaıjanda Ekinshi dúnıejúzilik soǵysqa qatysýshylar men tyl eńbekkerlerine birjolǵy materıaldyq kómek tólendi. Bul týraly eldiń Eńbek jáne halyqty áleýmettik qorǵaý mınıstrligi habarlady.
Vedomstvo málimetinshe, Ilham Álıevtiń 2026 jylǵy 24 sáýirdegi ókimine sáıkes, fashızmdi jeńýdiń 81 jyldyǵyna oraı 1941–1945 jyldardaǵy Ekinshi dúnıejúzilik soǵysqa qatysqan árbir ardagerge 2750 manat (shamamen 750 myń teńge) kóleminde birjolǵy materıaldyq kómek berilgen.
Sonymen qatar, 1500 manat (shamamen 410 myń teńge) kólemindegi tólem soǵysta qaza tapqan nemese keıin qaıtys bolǵan maıdangerlerdiń jesirlerine, tylda janqııarlyq eńbek etkeni úshin orden-medaldarmen marapattalǵan azamattarǵa, armııa men flot tapsyrmalaryn oryndaǵan arnaıy jasaq qyzmetkerlerine, sondaı-aq Lenıngrad qorshaýy kezinde qalany qorǵaǵany úshin marapattalǵan jáne qorshaý qatysýshylaryna berildi.
Mınıstrliktiń málimetinshe, bul áleýmettik qoldaý sharasy shamamen 2 myń adamdy qamtydy. Olardyń ishinde Ekinshi dúnıejúzilik soǵystyń 13 qatysýshysy bar. Qarajat alýshylardyń bank shottaryna aýdarylǵan.
Budan buryn Ekinshi dúnıejúzilik soǵysqa Qazaqstan qandaı úles qosqanyn jazǵan bolatynbyz.
