Ázerbaıjanda sheteldik arnaıy qyzmetpen baılanysy bar kúdikti ustaldy
BAKÝ. KAZINFORM – Ázerbaıjannyń Memlekettik qaýipsizdik qyzmeti (DTX) sheteldik arnaıy qyzmettermen baılanysta bolyp, lańkestik top qurýǵa árekettengen el azamatynyń ustalǵanyn habarlady.
Tergeý málimetinshe, Mýhammed Alıev esimdi kúdikti (laqap aty – Abý Malık) 2022 jyldyń qyrkúıeginen bastap sheteldik arnaıy qyzmet ókilderimen baılanys ornatqan. Olardyń tapsyrmasymen radıkaldy dinı kózqarastaǵy adamdardy iriktep, shet memleket aýmaǵynda dıversııalyq-terrorıstik top qurýǵa áreket jasaǵan.
– Mýhammed Alıev shetelde júrgen kezinde arnaıy qyzmetterdiń múddesi úshin Ázerbaıjan azamattaryn úgittep, olardy qatarǵa tartýǵa tyrysqan jáne yntymaqtan bas tartqandardy qýdalaýǵa qatysqany anyqtaldy, - delingen DTX taratqan resmı málimdemede.
Mekemeniń málimetinshe, atalǵan iske baılanysty tergeý amaldary jalǵasyp jatyr. Ázerbaıjan zańnamasyna sáıkes birqatar qylmystyq bap boıynsha is qozǵalǵan.
Aıta keteıik, Túrkııada tyıym salynǵan FETO uıymynyń 400-ge jýyq jaqtasy ustaldy.