Ázerbaıjanda parlament saılaýy bastaldy

BAKÝ. QazAqparat – Búgin, 9 aqpan kúni Ázerbaıjanda kezekten tys parlament saılaýy bastaldy, dep habarlaıdy QazAqparat tilshisi.

Aıta keteıik, Mıllı Medjlıste 125 orynǵa tirkelgen 1314 úmitker baq synaıtyn bolady. Barlyǵy 2431 adam qatysýda. Bir depýtattyq mandatqa 10-11 úmitker talasyp otyr. Saılaýǵa qatysýshylardyń arasyndaǵy úmitkerlerdiń 21%-y – áıelder. 5573 saılaý ýchaskesiniń 1000-yna baqylaý kameralary ornatyldy.

58 el men 59 uıym atynan 883 halyqaralyq baqylaýshy akkredıtatsııadan ótti. Jergilikti baqylaýshylar sany – 77 myń adamnan astam. Daýys berýge 5 387 600 saılaý bıýlleteni basylyp shyǵaryldy.

Eske salaıyq, 28 qarashada «Enı Ázerbaıjan» bılik etýshi partııasynan saılanǵan depýtattar Mıllı Medjlıske Parlamentti taratyp, kezekten tys Parlament saılaýyn ótkizý týraly úndeý joldaǵan bolatyn.

5 jeltoqsan kúni Ázerbaıjan prezıdenti Ilham Álıev «Ázerbaıjan Respýblıkasynyń Mıllı Medjlısiniń V shaqyrylymyn taratý jáne Ázerbaıjan Respýblıkasynyń kezekten tys Mıllı Medjlıs saılaýynyń ótkizý jónindegi» ókimine qol qoıdy.