Ázerbaıjanda ótetin III TMD oıyndarynyń boıtumary kórsetildi

ASTANA. KAZINFORM — Boıtumarlar III TMD oıyndaryna arnalǵan alǵashqy baspasóz konferentsııasynda kópshilikke tanystyryldy, dep jazady AZERTADJ.

Oıyndardyń sımvoldary – jigerli ári jyly shyraıly qabylandar – Bebır jáne Leıla. Kavkaz qabylanyna uqsatyp jasalǵan boıtumarlar Ázerbaıjannyń baı tabıǵatyn, kúshi men qonaqjaılylyǵyn beıneleıdi.

Kavkaz qabylany ejelden beri Ázerbaıjannyń kórkem jerlerin mekendegen. Bul sırek kezdesetin janýar Kavkazda joıylý qaýpi bar 5 faýna túrin qorǵaýdy qamtıtyn «Úlken bestik» baǵdarlamasyna, Ázerbaıjan Respýblıkasynyń Qyzyl kitabyna jáne Halyqaralyq tabıǵatty qorǵaý odaǵynyń Qyzyl tiziminiń «Joıylý qaýpi bar túrler» sanatyna engizilgen.

Esterińizge sala keteıik, III TMD oıyndary 23 sport túrin qamtıdy. Jarystar 28 qyrkúıek pen 8 qazan aralyǵynda Gıandja, Mıngıachevır, Gabala, Shekı, Geıgel, Evlah jáne Hankendı qalalarynda ótedi.

Osyǵan deıin astanalyq ájeler ansambli Ázerbaıjandaǵy baıqaýda birinshi oryn alǵanyn jazǵan edik.