Ázerbaıjanda oqýshylar mingen shaǵyn avtobýs apatqa ushyrady

ASTANA. QazAqparat - Búgin Ázerbaıjannyń Evlah aýdanynda bolǵan jol-kólik apaty saldarynan zardap shekken 15 adam aýdandyq aýrýhanaǵa jatqyzyldy, dep habarlaıdy trend.az.

Alǵashqy medıtsınalyq kómek kórsetilgennen keıin  olar úılerine qaıtaryldy.

Al taǵy bes adam Mıngechevır aýdandyq aýrýhanasyna jetkizilgen. Olardyń úsheýiniń jaǵdaıy turaqty, ekeýi aýyr halde.

Eske sala ketsek, búgin Evlah aýdany aýmaǵynda oqýshylar mingen shaǵyn avtobýs apatqa ushyraǵan bolatyn.