Ázerbaıjanda Naýryz toıy bastalyp ketti

BAKÝ. QazAqparat - Búgin Ázerbaıjanda Naýryz merekesin toılaý bastalyp ketti. Ondaǵy dástúr boıynsha, kóktem merkesine deıin munda tórt seısenbiniń toıy toılanady.

Búgingi Sý Chershenbesin (sýdaǵy seısenbi) toılaýdan Novrýzǵa daıyndyq bastalady. Mereke aldyndaǵy 3 seısenbi Odlý Chershenbesi (ottaǵy seısenbi), Torpag Chershenbesi (jerdegi seısenbi) jáne Ahyr Chershenbesi (sońǵy seısenbi) dep atalady. Halyq senimine qaraǵanda, búgingi alǵashqy seısenbide qatyp qalǵan sýlarǵa jan bitkendeı jańaryp, qozǵala bastaıdy. Bul kúni kún shyqqannan ózenge sýǵa barý kerek. Jýynyp, bir-birine tirshilik kózin sebelep shashý qajet. Ekinshisinde - ot, úshinshisinde - jer. Tórtinshi seısenbide aǵashtar búrshik jaryp, jer kógeredi, kóktem keledi. Búginnen bastap halyq úılerin jınastyryp, tátti taǵamdardy ázirleı bastaıdy. Kóktemdegi kún men túnniń teńesýinde, 20-21 naýryzda túrki halqy Naýryz (Novrýz) merekesin toılaıdy. Qazaqstan men Ázerbaıjannan basqa Naýryz meıramyn Reseı, Túrkııa, Iran, Pákistan, Aýǵanstan, Túrkimenstan, Qyrǵyzstan, Ózbekstan jáne t.b. el halyqtary erekshe atap ótedi.