Ázerbaıjanda munaı tıegen júk poıyzy órtke orandy

BAKÝ. QazAqparat - Ázerbaıjannyń Shamkır aýdany aýmaǵynda munaı tıegen júk poıyzy órtke orandy.

Oqıǵa búgin senbige qaraǵan túnde saǵat 2 shamasynda Shamkır aýdanyndaǵy temir jol stansasy aýmaǵynda boldy.

Oqıǵa boıynsha, Grýzııadan Bakýge munaı tasymaldap kele jatqan júk poıyzy vagondarynyń birinen órt shyqty. Oqıǵa ornyna birden órt sóndirý memlekettik qyzmetiniń qutqarýshylary men tehnıkalary jumyldyryldy. Qabyldanǵan sharalar nátıjesinde jalyn poıyzdyń basqa vagondaryna tarap úlgermedi. Órttiń shyǵý sebepteri anyqtalyp jatyr.