Ázerbaıjanda munaı platformasyndaǵy órtten qaza tapqandar sany 7-ge jetti
ASTANA. QazAqparat - Ázerbaıjanda Kaspıı teńizindegi «Gıýneshlı» munaı platformasynda bolǵan órtten iz-túzsiz joǵalǵan 29 adamnyń altaýynyń máıiti tabyldy. Osylaısha qaza bolǵandar sany 7 adamǵa jetti, dep habarlady 24.kz.
Marqumdardyń denesin Tótenshe jaǵdaılar qyzmetiniń tikushaǵy oqıǵa ornynan 60-70 shaqyrym qashyqtyqtan tapqan. Al tabylmaǵan 23 jan áli kúnge joǵalǵandar sanatynda. Dese de osyǵan deıin taǵy bir kisiniń qaza tapqany týraly aıtylǵan bolatyn. Qutqarýshylar onyń denesin teńizden taýyp alǵan-mys. Alaıda bul aqparat áli rastalǵan joq. Joǵalǵandardy izdeý jumystary áli de jalǵasyp jatyr.
