Ázerbaıjanda munaı plaftormasyndaǵy órtke baılanysty qaraly kún jarııalandy

ASTANA. QazAqparat - Ázerbaıjan prezıdenti Ilham Alıev Kaspıı teńizindegi «Gıýneshlı» platformasynda oryn alǵan órt saldarynan qaza tapqandardy eske alý úshin qaraly kún jarııalady, dep habarlady «Trend» agenttigi «AzTV» telearnasyna silteme jasap.

Juma kúni Ázerbaıjan memlekettik munaı kompanııasynyń «Gıýneshlı» teńiz munaı óńdeýshi platformasynda Kaspıı teńizinde oryn alǵan daýyl saldarynan gaz qubyry qırap, órt shyqqan. Sońǵy derek boıynsha, bir adam qaza taýyp, 30 adam habar-osharsyz ketti, 32 adam qutqaryldy.