Ázerbaıjanda moped ıelerine jańa talaptar engizildi
ASTANA. KAZINFORM – Ázerbaıjanda mopedterdi tirkeýge, tehnıkalyq baıqaýdan ótkizýge jáne paıdalanýǵa qatysty jańa memlekettik alymdar bekitildi. Bul týraly Kazinform agenttiginiń Bakýdegi menshikti tilshisi habarlaıdy.
Tıisti zańnamalyq ózgeristerge Ázerbaıjan Prezıdenti Ilham Álıev qol qoıdy. Qujatta tirkelgen moped ıeleriniń azamattyq-quqyqtyq jaýapkershiligin mindetti saqtandyrý talaby da engizilgen.
Jańa tártipke sáıkes, júrgizýshi kýáligi men tirkeý kýáligin berý nemese aýystyrý úshin shamamen 18 AQSh dollary (8,4 myń teńgege jýyq) kóleminde memlekettik alym tólenedi. Tehnıkalyq baıqaý quny shamamen 9 dollar (4,2 myń teńgege jýyq ), mopedti memlekettik tirkeý – 6 dollar (2,8 myń teńgege jýyq), al memlekettik tirkeý nómirin berý – 9 dollar shamasynda bolady.
Sondaı-aq A1 sanatyndaǵy júrgizýshi kýáligin alý emtıhanyna qatysý úshin shamamen 24 AQSh dollary (11,2 myń teńgege jýyq) kóleminde alym belgilendi. Emtıhandy qaıta tapsyrý quny shamamen 12 dollardy (5,6 myń teńgege jýyq) quraıdy.
«Jol qozǵalysy týraly» zańǵa sáıkes, barlyq moped mindetti túrde memlekettik tirkeýden ótýi tıis. Olardy basqarý úshin A1 sanatyndaǵy júrgizýshi kýáligi, tirkeý kýáligi jáne memlekettik tirkeý nómiri bolýy qajet.
Aıta keteıik, Qazaqstada búgingi tańda 50 myńǵa jýyq moped tirkelgen.
