Ázerbaıjanda magnıtýdasy 3,6 bolatyn jer silkinisi tirkeldi
ASTANA. KAZINFORM — Ázerbaıjannyń Lerık aýdanynda 1 tamyz kúni keshke magnıtýdasy 3,6 bolatyn jer silkinisi boldy. Jerasty dúmpýleri jergilikti turǵyndarǵa sezilgen. Bul týraly AZERTADJ habarlady.
1 tamyz kúni saǵat 19:24-te Lerık aýdanynda, Lerık stantsııasynan shyǵysqa qaraı 22 shaqyrym jerde jer silkinisi tirkeldi.
Bul týraly AZERTADJ agenttigine Respýblıkalyq seısmologııalyq qyzmet ortalyǵynyń jer silkinisterin zertteý bıýrosy málimdedi.
Jer silkinisiniń magnıtýdasy 3,6 boldy. Oshaq tereńdigi 24 shaqyrym bolǵan.
Jerasty dúmpýleri sezilgen.
Eske salaıyq, buǵan deıin Kanada jaǵalaýynda magnıtýdasy 5,5 bolatyn jer silkinisi tirkelgenin habarlaǵan edik.
Al Italııanyń ońtústiginde magnıtýdasy 4,7 bolǵan kúshti jer silkinisi saldarynan 26 adam zardap shegip, júzdegen turǵyn evakýatsııalandy.
