Ázerbaıjanda Qyzylorda oblysynyń mádenıet kúnderi ótýde

ASTANA. QazAqparat - Ázerbaıjanda Qazaqstan Respýblıkasy Qyzylorda oblysynyń mádenıet kúnderi ótip jatyr, dep habarlaıdy twesco.org.

Bul shara Ázerbaıjan men Qazaqstannyń dıplomatııalyq qarym-qatynas ornatqanyna 25 jyl tolýyna oraı uıymdastyrylǵan.

Bakýdegi Ázerbaıjan memlekettik mýzykalyq teatrynda ótken saltanatty keshtiń ashylý rásiminde sóz sóılegen Ázerbaıjannyń Mádenıet jáne týrızm mınıstriniń orynbasary Adalıat Velıev eki el arasyndaǵy yntymaqtastyqtyń qarqyndy damyp jatqanyn, ásirese mádenı saladaǵy qarym-qatynastyń joǵary deńgeıde ekenin aıtty. Sonymen birge Ázerbaıjanda alǵash ret uıymdastyrylǵan Qyzylorda oblysynyń mádenıet kúnderi ónerpazdardyń ózara shyǵarmashylyq tájirıbe almasýyna ońtaıly múmkindik ekenin de aıtyp ótti.

Qazaqstan Respýblıkasynyń Ázerbaıjan Respýblıkasyndaǵy Tótenshe jáne ókiletti elshisi Beıbit Isabaev ta óz sózinde 4 kúnge jalǵasatyn mádenıet merekesi Baký men Shekı turǵyndaryn qazaq eliniń baı dástúrli murasymen jaqyrynaq tanystyryp qana qoımaı, baýyrlas eki el arasyndaǵy gýmanıtarlyq baılanysty nyǵaıtýǵa úles qosatynyna úmit bildirdi.

Qyzylorda oblystyq fılarmonııasynyń ónerpazdary usynǵan kontserttik baǵdarlamany Baký halqy zor qoshemetpen, erekshe yqylaspen tamashalady.

Al búgin Syr eliniń óner maıtalmandary Shekı qalasynda án men jyrdan shashý shashyp, erteń ázerbaıjan dramatýrginiń komedııalyq qoıylymyn sahnalaıdy.