Ázerbaıjanda Qurmanǵazy atyndaǵy Balalar shyǵarmashylyǵy ortalyǵynyń qurylysy bastaldy
Ótken jyldyń tamyz aıynda Qazaqstan Prezıdenti Qasym-Jomart Toqaev Ázerbaıjanǵa resmı saparmen bardy. Bul sózssiz eki memlekettiń ózara qarym-qatynasyna jańa serpin bergen tarıhı sát boldy.
Joǵary deńgeıdegi kezdesý barysynda Qazaqstan tarapy Qarabaqty qalpyna keltirý isine óz úlesin qosýǵa nıetti ekenin málimdedi. Shyn máninde, bul aımaq búginde Ázerbaıjan úshin erekshe mańyzǵa ıe. Tıisinshe, memleket Qarabaqtyń ınfraqurylymyn damytýǵa kóp kólemde ınvestıtsııa baǵyttap jatyr. Bul rette Qazaqstannyń baýyrlas elge usynǵan kómegi Ázerbaıjan jurtshylyǵy arasynda keń qoldaýǵa ıe boldy.
Araǵa jarty jyl salyp, byltyr Bakýde kelisilgen jumystar júzege asa bastady. Atap aıtqanda, Qazaqstan baýyrlas halyqqa syılyq retinde tek bilim berý nysanyn ǵana emes, sonymen qatar kórnekti qazaq kompozıtory Qurmanǵazynyń esimimen atalatyn Balalar shyǵarmashylyǵy ortalyǵyn salýdy usyndy. Bul bastamaǵa kómek retinde Ázerbaıjan tarapy bolashaq Fızýlı qalasynyń ortalyǵynan jer bóldi jáne qurylys jumystaryn júrgizýge barlyq jaǵdaı jasady.
Jańa bilim berý kesheniniń irgetasyn qalaý saltanatyna Ázerbaıjan Prezıdentiniń arnaıy ókili Emın Gýseınov, osy eldegi Qazaqstannyń Tótenshe jáne Ókiletti Elshisiniń keńesshisi Jandos Nurmahambetov, qazaqstandyq «BI Group» qurylys kompanııasynyń basshysy Aıdyn Rahymbaev qatysty. Sondaı-aq, bolashaq ortalyqtyń irgetasyn quıý sharasyna Ázerbaıjannyń qosalqy merdigerlik uıymdary men memlekettik organdarynyń qyzmetkerleri jáne BAQ ókilderi kýá boldy.
Qazaqstandyq qurylys kompanııasynyń basshysy bul ortalyq Prezıdent Qasym-Jomart Toqaev tapsyrmasy boıynsha salynyp jatqanyn jáne elder arasyndaǵy dostyqty, baýyrlastyqty, sonymen birge únemi ózara qoldaý bildiretin Ázerbaıjan halqyna syılyq bolatynyn atap ótti.
«Osyndaı tarıhı mıssııany oryndaý biz úshin úlken mártebe. Nysandy óte sapaly salý úshin biz bar kúsh-jigerimizdi jumsaımyz dep ýáde beremin. Keshenniń qurylysyna zamanaýı materıaldar qoldanylady jáne sáıkesinshe jabdyqtalady. Munda bilim alýǵa qushtar balalar úshin kóp sheberhanalar qarastyrylǵan. Bul ortalyq boı kóterip, paıdalanýǵa berilse, balalardyń qýanysynda shek bolmaıdy dep senemin», - dedi Aıdyn Rahymbaev.
Ortalyqty salatyn qazaqstandyq kompanııanyń málimetinshe, qurylys kezinde holdıngtiń jyldar boıy jınaǵan tájirıbesi men eń ozyq tehnologııalary qoldanylady. Kompanııa zamanaýı ınjınırıngtik sheshimderge sáıkes, bilim berý uıymdaryn salý baǵytynda mol ári kásibı tájirıbege ıe. Degenmen bul joba qaıyrymdylyq maqsatta bolǵandyqtan, ony qarjylandyrý bıýdjetten tys kózder esebinen júrgiziledi.
Keshenniń irgetasyn qalaý saltanatyna qatysqan Ázerbaıjan Prezıdentiniń arnaıy ókili Emın Gýseınovtyń aıtýynsha, Fızýlı - Qarabaqtyń áýe qaqpasy. Óıtkeni, munda halyqaralyq deńgeıdegi alǵashqy áýejaı boı kótergen.
«Fızýlı - bolashaq Zangezýr dálizi arqyly ótetin kólik jáne logıstıkalyq ortalyqtardyń ózegi bolatyny sózssiz. Munda kóptegen júıeli ári damýǵa qarqyn beretin ekonomıkalyq ózgerister bolady. Jastardyń ózin-ózi damytýyna múmkindik jasalady. Biraq osy isterdiń barlyǵy balalarǵa arnalǵan mektepter men ortalyqtardan bastalady. Sondyqtan bul qalanyń mańyzy zor. Osy oraıda, qazaq halqynyń bul syıy dál osy jerde – qalanyń qaq ortasyndaǵy «Jeńis jolynyń» boıynda ornalasýy kezdeısoq emes», - dedi Emın Gýseınov.
Ortalyq qurylysynyń negizgi merdigerleriniń biri sanalatyn «Unico Group» kompanııasynyń bas dırektory Elchın Ahýndov bul joba zamanaýı bilim berý kesheni bolatynyna toqtalyp, onyń mańyzyn atap ótti.
«Munyń bári bizdiń balalarymyz, bolashaq urpaq úshin jasalyp jatyr. Bul ár balanyń, árqaısymyzdyń, tipti árbir memlekettik organ ókiliniń oıynda baýyrlas memlekettiń jomart syıy retinde saqtalady», - dedi ol.
Kompanııanyń málimetinshe, 2 700 sharshy metrdi alyp jatqan eki qabatty ortalyq táýligine 600 adamdy qabyldaýǵa qaýqarly. Onyń ishinde vokal jáne mýzykalyq aspaptar, robototehnıka, 3D modeldeý, veb-dızaın, foto jáne vıdeo túsirýge arnalǵan kabınetter bolady. Sonymen qatar, munda qolóner, onyń ishinde kilem toqý jáne qysh ydystar jasaý, sondaı-aq ártúrli sporttyq jáne horeografııalyq sabaqtar ótkizýge múmkindik beretin oryndar qarastyrylǵan.
«Taıaý bolashaqta Qarabaq jeri qaıtadan gúldengen aımaqqa aınalady dep senemiz. Ázerbaıjan halqynyń eń asyl qasıetteriniń nátıjesinde bul jerler eń ozyq óńirge aınalady. Salynyp jatqan mektep eki el arasyndaǵy baýyrlastyq qarym-qatynasymyzdyń sımvolyna bolary anyq. Qazaqstan bul turǵydan osy ıgi iske óz úlesin qosýǵa árdaıym ázir», - dedi Qazaqstannyń Ázerbaıjan Respýblıkasyndaǵy Tótenshe jáne Ókiletti Elshisiniń keńesshisi Jandos Nurmahambetov.
Jańa bilim ordasyna dáýlesker kúıshi, kompozıtor Qurmanǵazy Saǵyrbaıuylynyń esimin berý kezdeısoq emes. Kompanııadan atap ótkendeı, qazaq halqynyń kórnekti tulǵasy Qurmanǵazynyń muraǵa qaldyrǵan shyǵarmalary búkil túrki áleminiń qundylyǵyna aınalǵan.
Qazirgi ýaqytta ortalyq salynatyn jerde qazý jáne daıyndyq jumystary júrgizilip jatyr. Keshenniń qurylysymen aınalysatyn kompanııalar jobany 2023 jyldyń sońyna deıin aıaqtap, ony paıdalanýǵa berýdi josparlap otyr.
