Ázerbaıjanda kovıdke baılanysty karantın 2027 jylǵy qańtarǵa deıin uzartyldy
ASTANA. KAZINFORM — Ázerbaıjan aýmaǵynda erekshe karantın rejıminiń qoldanylý merzimi uzartyldy, dep habarlaıdy Anadolu.
Ázerbaıjannyń memlekettik buqaralyq aqparat quraldarynyń habarlaýynsha, bul týraly el premer-mınıstri Álı Asadov tıisti qaýly qabyldaǵan.
Qaýlyǵa sáıkes, el aýmaǵynda koronavırýs ınfektsııasynyń (COVID-19) taralýyn jáne odan týyndaýy múmkin saldardyń aldyn alý maqsatynda respýblıkadaǵy erekshe karantın rejıminiń qoldanylý merzimi 2027 jylǵy 2 qańtarǵa deıin uzartyldy.
Buǵan deıin kúzdiń kelýimen jótel, dene qyzýynyń kóterilýi, tamaqtyń aýyrýy jáne álsizdikke qatysty shaǵymdar kóbeıetini habarlanǵan bolatyn. Keıbir adamdar muny tumaý dep sanasa, endi biri COVID-19 qaıta órshidi dep alańdaıdy. Alaıda mamandar tynys joldarynyń ınfektsııalaryndaǵy belgilerdiń uqsastyǵyna baılanysty aýrýdy tek sımptomdaryna qarap anyqtaý qıyn ekenin atap ótedi.
Aıta ketelik Astana turǵyndary áleýmettik jelilerde «jańa vırýs» taraǵanyn aıtyp, bir-birine uqsas belgiler baıqalyp jatqanyn jazyp jatqany týraly jazǵan edik.
