Ázerbaıjanda koronavırýsty juqtyrý jaǵdaılary artty
BAKÝ. QazAqparat – Búginde Ázerbaıjanda koronavırýsqa baılanysty ahýal pandemııanyń alǵashqy kúnderine qaraǵanda anaǵurlym qaýipti. Ázerbaıjan medıtsınalyq ýnıversıteti janyndaǵy Oqytý-terapııa klınıkasynyń bólim basshysy A.Alıev osyndaı pikirde, dep habarlaıdy «QazAqparat» HAA tilshisi.
Mamannyń aıtýynsha, koronavırýs burynǵydan da jyldam tarap, adamnyń ókpesine tıer zııany ulǵaıdy. Sondyqtan asqynýlar men ólim-jitim sany artýy yqtımal. Infektsııa juqtyrý qaýpin aldyn alý úshin áleýmettik qashyqtyqty saqtaý qajet.
«Ashyq aýada bul – kem degende 1 metr, jabyq mekemede – 1,5 metr. Medıtsınalyq maskany aıyppuldan qoryqqannan emes, qorǵanys úshin taǵý qajet. Qol alysýdan aýlaq bolǵan jón. Qoldy jıi jýyp, quramynda spırti bar suıyqtyqpen dezınfektsııalaý kerek. Sondaı-aq adam kóp shoǵyrlanatyn jerlerden aýlaq bolǵan abzal», - dep keńes berdi dáriger.
A.Alıev indetti juqtyrý sanynyń artýy karantın talaptarynyń kúsheıtilýine alyp keletindigin atap ótti.
Onymen bir mezgilde, ázerbaıjandyq ózge dáriger A.Nagıevtiń aıtýynsha, koronavırýstyń «brıtandyq» shtamynan ólim-jitimniń kóptigi týraly barlyq paıymdaýdyń esh dáleli joq. Sol sebepti Ázerbaıjan halqyna bul máselege qatysty ýaıymdamaýǵa bolady.
«Brıtandyq» shtamǵa qatysty sonshalyqty pessımıstık kózqaras tanytpas edim. Ol 110-nan astam elde tirkelip otyr. Onyń ádettegi shtamnan asa aıyrmashylyǵy joq, tek jyldam taraıdy. Odan ólim-jitim anaǵurlym kóptigi jóninde esh dálel joq», - dedi medıtsına mamany.
Aıta keteıik, sońǵy kúnderi Ázerbaıjannyń jergilikti turǵyndary arasynda koronavırýsty juqtyrý jaǵdaılary artty. Máselen, sońǵy bir táýlikte elde indettiń jańadan 1759 oqıǵasy tirkeldi, qaıtys boldy – 24 naýqas. Búginge deıin Ázerbaıjanda koronavırýsqa shaldyqqandardyń jalpy sany 252 680 adamdy quraıdy. Vaktsına 510 myń adamǵa salyndy.
Avtory: Serikbol Qoshmaǵambetov
