Ázerbaıjanda koronavırýs juqtyrýdyń alǵashqy jaǵdaıy tirkeldi

BAKÝ. TREND – QazAqparat –Ázerbaıjan mınıstrler kabıneti janyndaǵy jedel shtab koronavırýs juqtyrǵan alǵashqy jaǵdaıdyń anyqtalǵanyn rastady, dep habarlaıdy QazAqparat trend.az agenttigine silteme jasap.

Agenttiktiń habarlaýynsha, ınfektsııa juqtyrǵan – Reseı azamaty. Iran- Ázerbaıjan baǵytynda memlekettik shekarany kesip ótý kezinde odan koronavırýstyń alǵashqy belgileri anyqtalǵan, osyǵan baılanysty vırýs juqtyrǵan azamat aýrýhananyń arnaıy ınfektsııalyq bólimine jatqyzyldy. Júrgizilgen synamalar men testerdiń qorytyndysy onyń vırýsty juqtyrǵanyn kórsetti.

Qazirgi ýaqytta patsıenttiń jaǵdaıy turaqty.

Sonymen qatar, vırýstyń taralýyn jáne onyń saldaryn boldyrmaý úshin tıisti sharalar qabyldanýda. Qajetti aqparatty alý úshin patsıentpen baılanysqan adamdardy anyqtaý, onyń vırýsty qaıdan juqtyrǵanyn, sondaı-aq taralý joldaryn anyqtaý jumystary júrgizilip jatyr.