Ázerbaıjanda koronavırýs juqtyrǵandardyń sany artyp barady
BAKÝ. QazAqparat – El Úkimetiniń janyndaǵy Jedel shtab taratqan málimetterge sáıkes, sońǵy táýlikte Ázerbaıjanda COVID-19 vırýsyn 233 adam juqtyrǵan, dep habarlaıdy «QazAqparat» agenttiginiń menshikti tilshisi.
Koronavırýs juqtyrǵandardan bólek, bir táýlikte 106 adam erekshe rejımdegi aýrýhanalardan jazylyp shyqqan. Sonymen qatar osy aralyqta indetke shaldyqqan 3 adam kóz jumǵan.
Osylaısha búgingi tańda Ázerbaıjanda koronavırýs juqtyrǵan azamattardyń jalpy sany 41752 adamǵa jetti. Olardyń 39235-y jazylyp shyqsa, 608-i qaıtys bolǵan. 1909 adam arnaıy medıtsınalyq uıymdarda emin jalǵastyrýda.
Іndet bastalǵaly beri Ázerbaıjanda koronavırýs ınfektsııasyn anyqtaý úshin 1 mln 169 myń 656 test júrgizilgen. Sońǵyi aptada elde COVID-19 juqtyrý jaǵdaılary artyp bara jatqany baıqalady.
Avtory: Bekbaý Taımanov
