Ázerbaıjanda Qorqyt ata dastanynyń negizinde komıkster shyǵarylmaq
Sýrettermen beınelenetin hıkaıa jas urpaqqa arnalǵan. Avtorlar balalarǵa halyq batyrlary men tarıhı tulǵalaryn osyndaı keskinder arqyly tanystyrmaq. Alǵashqy komıkstiń basty keıipkeri - álsizderdi qorǵap, zulymdyqpen kúresken ult qaharmany Keroǵly. Avtorlar onyń ómiri týraly tarıhı derekterdi muqııat zerttep, jobany júzege asyrý úshin bir jyldaı ýaqyt jumsaǵan.
«Biz komıksterdegi sheteldik keıipkerlerdiń bárin túgel derlik bilemiz. Olar búkil álemge tanymal. Sondyqtan biz de óz batyrlarymyzdy jurtqa keńinen tanytýymyz kerek dep sheshtik. «Keroǵly» dastanynyń jazbasha nusqasy alǵash ret XIX ǵasyrda shyqqan. Ol týraly komıkstiń birinshi bólimi daıyn. Qazir jalǵasyn ázirlep jatyrmyz», - deıdi joba avtory Anar Akberlı.
Bolashaqta shyǵatyn komıksterde Babek, Shah Ismaıl Hataı men ózge de qaharamandar men tarıhı tulǵalardy kórýge bolady. Avtorlar búkil túrkitildes halyqtarǵa ortaq Qorqyt ata dastanynyń negizinde jeke bólimder shyǵarýdy da kózdep otyr. Sol arqyly jas urpaq túrkitildes halyqtardyń tarıhı shejiresin bile alady. ıAǵnı, bul joba tek Ázerbaıjanǵa ǵana emes, búkil túrik dúnıesine qyzyq bolady degen úmit bar.
«Sýretterdi birge daıyndap, ony tsıfrlyq quraldarmen salamyz. Negizgi aýdıtorııamyz balalalar bolǵandyqtan, sýretterdiń túsi men óńine erekshe kóńil bólemiz. Osy jumysymyzǵa qatysty aıtylǵan alǵashqy pikirler jaqsy bolǵanyna kádimgideı qýanyp qaldyq», - dedi sýretshi Zeınab Godjaeva.
Avtorlar osy komıksterdi aǵylshyn men orys tilderinde de basyp shyǵarmaq. Al bolashaqta sonyń negizinde anımatsııa men kompıýterlik oıyndy jasaýdy kózdep otyr. 3D prınterde shyǵarylǵan oıynshyqtar da bar. Jaqyn arada olar saýdaǵa túse bastaıdy.
