Ázerbaıjanda «Qazaq prozasy» antologııasy jaryq kórdi
«Qanýn» baspasynan shyqqan 608 bettik «Qazaq prozasy» antologııasy da osy aıtýly oqıǵaǵa arnalǵan.
Qazaqstan Respýblıkasynyń Ázirbaıjandaǵy Elshiliginiń qoldaýymen jaryq kórgen antologııanyń aýdarmashysy jáne qurastyrýshysy Qazaq halqy men ádebıetiniń janashyr dosy, belgili jazýshy, pýblıtsıst, aýdarmashy jáne kınotanýshy Narıman Abdýlrahmanly, al redaktory bolsa Mahır Garaev.
Jazýshy-aýdarmashy Narıman Abdýlrahmanly tarapynan Ázerbaıjan oqyrmandaryna uly Abaıdyń «Qara sózder» traktaty men kórnekti jazýshy Rollan Seısenbaevtyń «Álem kúıregen kún» atty prozalyq jınaǵynan keıin usynylǵan «Qazaq prozasy» antologııasy, eki halyq pen ádebıeti arasyndaǵy baılanysty odan ári nyǵaıtý jolyndaǵy úlken qadamdardyń biri.
Antologııaǵa uly Abaıdan bastap, 2000-shy jyldary ádebıetke kelgen jas ádebı urpaq ókilderinen 54 qalamgerdiń tańdamaly shyǵarmalary engizilgen. Abaıdyń «Qara sózinen» úzindiler, Shákárimniń naqyl sózderi, qudiretti sóz sheberi Muhtar Áýezov, Ábish Kekilbaev, Muhtar Maǵaýın, Qabdesh Jumadilov, Qalıhan Ysqaqov, Sáken Júnisov, Ákim Tarazı, Saıyn Muratbekov, Dýlat Isabekov, Oralhan Bókeı, Dúkenbaı Dosjanov, Sátimjan Sanbaev, Rollan Seısenbaevpen qatar táýelsizdik kezeńi Qazaq prozasy ókilderiniń shyǵarmalary ázerbaıjan oqyrmandarynyń rýhanı dúnıesin baıytýda mańyzdy ról atqarmaq.
Avtorlardyń tolyq ómirbaıandarynyń berilýi bolsa antologııanyń qundylyǵyn odan ári arttyra túsken. Sondaı-aq, oqyrmandar antologııadaǵy qalamgerlerdiń kópshiliginiń estelikterimen alǵash ret tanysý múmkindigine ıe bolǵandyǵyn aıta ketken jón.
Qazaqstan Respýblıkasynyń Ázirbaıjandaǵy Elshisi Serjan Ábdikárimovtiń bastamasymen jınaqtalǵan bul antologııadaǵy týyndylar Ázirbaıjan oqyrmandaryn baýyrlas Qazaq halqynyń qudiretti rýhyn, baı mádenıetin, talǵampaz dúnıetanymyn tanyp bilýi jolynda óte qyzyqty ári sıqyrly saparǵa shyǵarary anyq.
«Qazaq prozasy» antologııasy oqyrmandarǵa shilde aıynyń sońynda usynylady. Qazirde aýdarmashy Narıman Abdýlrahmanly, Qazaq detektıv janrynyń negizin salǵan Kemel Toqaevtyń áńgimelerin jáne jazýshynyń uly, Qazaqstan Respýblıkasynyń qurmetti prezıdenti Qasym-Jomart Toqaevtyń «Áke týraly tolǵanys» ǵumyrnamalyq kitabyn baspaǵa daıyndaýda.