Ázerbaıjanda Kaspııdiń munaımen lastaný faktisi anyqtaldy

ASTANA. QazAqparat – Ázerbaıjan memlekettik ekologııalyq qaýipsizdik qyzmetiniń jáne Kaspıı keshendi ekologııalyq monıtorıng basqarmasynyń qyzmetkerleri Hazar aýdany Shývalan kentindegi teńizdiń munaımen lastanýyna baılanysty shaǵymdy zerttedi, dep habarlaıdy QazAqparat Trend-ke silteme jasap.

Agenttiktiń deregine súıensek, bul málimetti memlekettik ekologııalyq qaýipsizdik qyzmetin bergen.
Onyń resmı ókili Bahrýz Muhammedov shaǵym boıynsha is júrgizý barysynda jaǵalaý syzyǵynan 200 metr qashyqtyqta, sondaı-aq teńiz betinde jartasty jerlerde munaı daqtary anyqtalǵanyn habarlady.
«Lastanǵan aýmaqta teńiz sýynyń tıisti úlgileri men qurlyqtan úlgiler alyndy. Qazirgi ýaqytta zertteýler jalǵasýda», - delingen habarlamada.