Ázerbaıjanda Kaspıı teńizi arqyly jolaýshylar aǵyny artty

ASTANA. KAZINFORM — Ótken jyly «Ázerbaıjannyń Kaspıı teńizi keme sharýashylyǵy» JAQ (ASKO) paromdarymen tasymaldanǵan jolaýshylar sany 20 paıyzǵa artty, dep habarlaıdy ASKO baspasóz qyzmeti. 

Bıylǵy jyly paromdar 28 392 jolaýshyny tasymaldady, bul 2023 jylǵy 23 729 jolaýshydan 20%-ǵa joǵary. 

Onyń ishinde 9746 jolaýshy Quryq-Alıat, 1220-si — Túrikmenbashy-Alıat, 14834 adam — Alıat-Quryq, 2552 adam — Alıat-Túrkimenbashy baǵytyn paıdalanǵan.

Al 2023 jyly Quryq-Alıat baǵyty boıynsha 8361 jolaýshy, Túrikmenbashy-Alıat baǵytymen 485 adam, Alıat-Quryq baǵytymen 13191 adam, Alıat-Túrkmenbashy baǵytymen 1393 adam, Aqtaý-Alıat baǵytymen 144 adam, Alıat-Aqtaý baǵytymen — 155 jolaýshy attandy.

Eske sala ketsek, karantındik shekteýlerge baılanysty elden parommen ketkisi keletin Ázerbaıjan azamattary aldymen Mınıstrler kabıneti janyndaǵy Jedel shtabtan arnaıy ruqsat alýy tıis. 

Shetel memleketteriniń azamattary elden shyqqan kezde bul ruqsatty talap etpeıdi. Degenmen, parommen elge keletin Ázerbaıjan azamattary men sheteldikterdiń barlyǵy birdeı ruqsat alýy kerek.

Buǵan deıin ASCO qańtar aıynda júk tasymaly kólemin arttyrǵany týraly habarlanǵan bolatyn. Osylaısha, JAQ derekteri boıynsha qurǵaq júkterdi tasymaldaý kólemi 200,65%-ǵa, vagondar — 2,76%-ǵa, júk kólikteri — 38,88%-ǵa artsa, tankerlik tasymaldaý 9,38%-ǵa ósti.

Kólik máseleleri jónindegi sarapshy Raýf Agamırzaevtiń aıtýynsha, usynylǵan kórsetkishter teńiz arqyly júk tasymaldaý kóleminiń artqanyn kórsetip otyr. 

— Sońǵy jyldary ASCO qyzmeti Kaspıı teńizinen tys jerlerde de keńeıdi. JAQ flotyn belsendi túrde jańartyp, tıimdiligin arttyryp keledi. Shyǵys-Batys dálizi boıymen Túrikmenstan men Qazaqstannan júk jáne dóńgelekti kólikterdiń tasymaly artty, — dep habarlady sarapshy.

Osyǵan deıin Ázerbaıjan Bolgarııaǵa jetkiziletin gaz kólemin eki ese arttyrǵany belgili boldy.