Ázerbaıjanda karantın sharalary qaıta kúsheıtildi
NUR-SULTAN. QazAqparat - Ázerbaıjanda koronavırýsty juqtyrý jıelep ketkendikten karantın sharalary qaıta kúsheıtildi, dep habarlaıdy «Habar 24».
Mınıstrler kabıneti janyndaǵy jedel shtabtyń sheshimi boıynsha osy aptada senbi jáne jeksenbi kúnderi úıden shyǵýǵa tyıym salynady. Bul kúnderi barlyq mekemeler jumys istemeıdi, qoǵamdyq kólik pen avtomobılder júrmeıdi. Bul naýqastar sany kúrt artqan Baký, Sýmgaıt, Gıanja, Lıankoran qalalary men Apsheron aýdanyna qatysty shekteý. Tek dárigerler men mańyzdy salalardyń mamandaryna jumys isteýge ruqsat etiledi.
Mamyr aıynda Ázerbaıjanda karantın tártibi jeńildetilgennen keıin koronavırýsty juqtyrý sany tym ósip ketti. Sońǵy antırekord 3 mamyrda tirkeldi. Bul kúni 325 naýqas anyqtaldy.
«Naýqastar sany kúrt ósti. Osy rette biz 6 jáne 8 maýsym aralyǵynda Baký, Sýmgaıt, Gıanja, Lıankaran qalalary men Apsheron aýdanynda qatań karantın tártibin engizetin boldyq. Bul sharalardyń barlyǵy azamattarymyzdyń densaýlyǵy men ómirin qorǵaýǵa baǵyttalǵan. Sondyqtan aýrý órshise qatal sharalar eldiń ózge qalalary men aýdandarynda da qabyldanýy múmkin»,-deıdi Ázerbaıjan premer-mınıstri Alı Asadov.
