Ázerbaıjanda karantın rejımi mamyr aıynyń sońyna deıin saqtalady

BAKÝ. QazAqparat – Ázerbaıjan Úkimetiniń qasyndaǵy jedel shtabtyń málimetinshe, elde karantındik rejım mamyr aıynyń 31-ine deıin saqtalady, dep habarlaıdy QazAqparat tilshisi.

Sondaı-aq, jańadan aýrý anyqtalǵandar men jazylǵandardyń sanyn eskere otyryp Baký, Sýmgaıyt, Gıandja, Lıankıaran, Absheron aýdany jáne taǵy birqatar óńirlerde keıbir shekteýlerdi kezeń-kezeńimen jumsartý jóninde sheshim qabyldandy. Atalǵan jerlerde 4 mamyrdan bastap memlekettik mekemelerdiń, saýda nysandarynyń, shashtarazdardyń, sán salondarynyń jumysy jandanady.

Karantın kezinde elde qoǵamdyq oryndarda, parkterde, qoǵamdyq tamaqtaný oryndarynda 10 adamnan kóp shoǵyrlanýǵa bolmaıdy. Respýblıkadaǵy barlyq bilim berý mekemelerinde jumystyń toqtaýy 31 mamyrǵa deıin sozylady.