Ázerbaıjanda karantın rejımi 4 mamyrǵa deıin uzartyldy
BAKÝ. QazAqparat — Ázerbaıjan úkimeti koronavırýsqa baılanysty respýblıka aýmaǵyndaǵy erekshe karantın rejımin 4 mamyrǵa deıin uzartý sheshimin qabyldady, dep habarlaıdy «QazAqparat» HAA menshikti tilshisi.
Osyǵan baılanysty el úkimetiniń 2 sáýirdegi qaýlysynda atalyp ótilgen barlyq sharalar 4 mamyrǵa deıin sozylady. Atap aıtqanda, júk tasymalyn qospaǵanda Ázerbaıjan aýmaǵyna barlyq kólik túrleri úshin kirýge jáne shyǵýǵa shekteý qoıylyp, barlyq bilim berý mekemelerinde oqý protsesi toqtatyldy.
Kelesi aptadan bastap turǵyndarǵa uzartylǵan karantın rejıminen kezeń-kezeńimen shyǵý jospary usynylady.
Avtory: Bekbaý Taımanov
