Ázerbaıjanda karantın 1 jeltoqsanǵa deıin uzartyldy

BAKÝ. ÁZERTADJ-QazAqparat – Ázerbaıjanda karantın rejımininiń merzimi 1 jeltoqsanǵa deıin uzartyldy, dep habarlaıdy QazAqparat ÁZERTAJ agenttigine silteme jasap.

Koronavırýs ınfektsııasy jańa túriniń (COVID-19) taralýyn jáne onyń yqtımal saldarynyń aldyn alý maqsatynda el aýmaǵynda Ázerbaıjan respýblıkasy Mınıstrler kabınetiniń qaýlysy negizinde aıryqsha karantın rejıminiń merzimi 2020 jyldyń 1 jeltoqsany saǵat 06:00-ge deıin uzartyldy.

Operatıvti shtabtyń málimetinshe, sońǵy kúnderi Lánkáran qalasy, Jálılabad, Masallı aýdandarynda ınfektsııa juqtyrǵandar sany artqan. Osyǵan baılanysty 29 qazanda saǵat 00.00-de atalmysh qala men aýdandar aýmaǵyna kirip-shyǵýǵa tyıym salynady. Tek arnaıy jáne jedel qyzmetter men júk kólikterine ǵana ótýge ruqsat etiledi.

Tómende kórsetilgen kúnderi Baký, Sýmgaıyt, Gıanja, Mıngıachevır, Shekı, Shırvan, Lánkáran qalalarynda, Absheron, Geıgel, Samýh, Sabırabad, Gýbın, Agstafın, Bılıasývar, Hachmaz, Ismaıllın, Gah, Zagatal, Jálılabad, Masallı aýdandarynda qoǵamdyq kólikterdiń júrisi toqtatylady:

31 qazanda saǵat 00.00-den 2 qarashada saǵat 06.00-ge deıin;

7 qarashada saǵat 00.00-den 9 qarashada saǵat 06.00-ge deıin;

14 qarashada saǵat 00.00-den 16 qarashada 06.00-ge deıin;

21 qarashada saǵat 00.00-den 23 qarashada 06.00-ge deıin;

28 qarashada saǵat 00.00-den 30 qarashada 06.00-ge deıin.

«Azamattardy COVID-19 vırýsyna qarsy kúrestegi karantın talaptaryn qatań saqtaýǵa, medıtsına maskasyn taǵý jáne basqa da qajetti medıtsına-profılaktıka quraldaryn qoldanýdy, qoǵamdyq oryndardy bógde adamdarmen barynsha az baılanysta bolýǵa shaqyramyz», delingen shtab habarlamasynda.