Ázerbaıjanda halyq sanaǵy ótedi

ASTANA. QazAqparat - 2019 jyly Ázerbaıjanda halyq sanaǵy ótedi. Bul týraly QazAqparat Ázerbaıjannyń Trend aqparat agenttigine silteme jasap habarlaıdy.

«Memlekettik statıstıka komıteti apparatynyń basshysy Djabbar Mýsaev Túrkııa astanasy Ankarada ótip jatqan Islam yntymaqtastyq uıymynyń Statıstıka komıssııasynyń jetinshi sessııasynda Ázerbaıjanda halyq sanaǵyn ótkizý týraly málimdedi, - dep jazylǵan Trend aqparatynda.

Sessııa barysynda halyq sanaǵyn júrgizý jumystary men turǵyn úı qory, demografııa men mıgratsııa týraly resmı statıstıkany jasaý jáne taratý qyzmetin kúsheıtý máseleleri talqylanǵan.