Ázerbaıjanda halyq sany 10 mıllıonnan asty
ASTANA.KAZINFORM - 2026 jyldyń qańtarynan mamyryna deıin Ázerbaıjan halqy 9 287 adamǵa nemese 0,1 paıyzǵa ósti, dep habarlaıdy Kazinform agenttiginiń Bakýdegi tilshisi eldiń Memlekettik statıstıka komıtetine silteme jasap.
1 maýsymdaǵy jaǵdaı boıynsha el halqynyń sany 10 271 638 adamdy qurady.
Agenttik málimetinshe el halqynyń 54,3 paıyzy qalalarda, al 45,7 paıyzy aýyldyq jerlerde turady.
Erler halyqtyń 49,8 paıyzyn, al áıelder 50,2 paıyzyn quraıdy.
Ótken jylmen salystyrǵanda nekege turý kórsetkishi 1000 turǵynǵa shaqqanda 4,7-den 3,6-ǵa deıin, al ajyrasý kórsetkishi 2-den 1,9-ǵa deıin tómendedi. Osy kezeńde Ázerbaıjanda 15 107 neke jáne 8 087 ajyrasý tirkeldi.
Buǵan deıin Ázerbaıjanda jasandy ıntellektiniń óńirlik ortalyǵy qurylatyny habarlanǵan.
