Ázerbaıjanda eń qart saılaýshy 134 jasta

ASTANA. KAZINFORM — Ázerbaıjannyń Ortalyq saılaý komıssııasy dúısenbi kúni eldegi saılaýshylar sany týraly jańa derekterdi jarııalady.

— Sanaý qorytyndysy boıynsha eldegi saılaýshylardyń biryńǵaı tizimine 6 mıllıon 326 764 adam engizildi, — dedi Ortalyq saılaý komıssııasynyń tóraǵasy Mazahır Panahov.

Aıtýynsha, onyń 47,55 paıyzy — erler, 52,45 paıyzy — áıelder.

Ortalyq saılaý komıssııasynyń basshysy eń qart saılaýshy 1890 jyly týǵan 134 jastaǵy Tamam Alıqyzy Azızova ekenin atap ótti.

Al erler arasynan eń qart saılaýshy — 1915 jyly týǵan Hılal Ibragımov 108 jasta.

Mazahır Panahov 2 mamyrda kezekti otyrysta parlament saılaýyna daıyndyqty jedeldetýdi tapsyrdy.

— Biz daıyndyqty qazirdiń ózinde bastaýymyz kerek. Qańtardan bastap saılaýshylar tizimderi naqtylanady, — dedi M.Panahov.