Ázerbaıjanda elektr kóligi týraly aqparattardy usyný mindetteledi

ASTANA. KAZINFORM - Ázerbaıjan úkimeti memlekettik júıelerge shaǵyn elektr kólikteri operatorlarynan olardy paıdalaný týraly tolyq málimetterdi, sondaı-aq operatorlar týraly aqparat usynýdy talap etetin jańa ereje bekitti.

Jańa erejege sáıkes, shaǵyn kólemdi elektromobılder operatorlary zańdy tulǵanyń ataýyn, salyq tóleýshiniń nemese jeke kásipkerdiń JSN-in, sondaı-aq óndirýshiler men operatorlar ІІM Memlekettik Jol polıtsııasynyń bas basqarmasyna jáne Ázerbaıjannyń tsıfrlyq damý jáne kólik mınıstrligine bergen sáıkestendirý derekterin usynýǵa mindetti.

Sonymen qatar, operatorlar jeke kýálik nómiri, jóneltý orny jáne baratyn jeri, ýaqyty men kúni, baǵyty jáne jyldamdyǵy sııaqty derekterdi usynýǵa mindetti.

Bul qadamdar qaýipsizdik pen paıdalaný standarttarynyń saqtalýyn qamtamasyz ete otyryp, shaǵyn elektr kólikteriniń monıtorıngi men baqylaýyn kúsheıtýge arnalǵan Jol qozǵalysy týraly Zańnyń 46-2-babyna sáıkes keletini aıtyldy.

Mamandar ereje qalalyq jol júrý erejesin basqarýdy kúsheıtedi, turaqty kólik bastamalaryn qoldaıdy jáne qaýipsizdikti arttyrady dep sanaıdy.

Ázerbaıjandyq sarapshy Raýf Agamırzaev bul bastamalar operatorlarǵa, sonyń ishinde Bolt, Wingz, Apar jáne t.b. qosa alǵanda, mıkromobıldi kólikterdi jalǵa beretin kompanııalarǵa kóbirek qatysty dep sanaıdy.

Onyń aıtýynsha, byltyrǵy statıstıka boıynsha Ázerbaıjanda turǵyndardyń 60%-ǵa jýyǵy qysqa qashyqtyqqa – 1,5-ten 3 shaqyrymǵa deıin avtokólikpen, negizinen taksımen júrip ótken. Mıkromobıldik joldar men velojol jelileriniń keń taraýyna baılanysty bul paıyz tómendedi.

– Mıkromobıldilik – Baký úshin jańalyq. Adamdardyń osy quraldarmen saıahattaýǵa múmkindigi bolsa, bul qalalyq kólik júıesine oń áserin tıgizedi, - dep túıindedi ol.

Osyǵan deıin Qazaqstan aýmaǵynda elektromobıl sany 11 myńǵa jetkeni týraly jazdyq.