Ázerbaıjanda burynǵy áskerı shep aýmaǵynda mına jarylyp, turǵyn jaralandy

ASTANA. KAZINFORM – Ázerbaıjannyń Agdam aýdanynda mınalyq oqıǵa tirkeldi. Aýdan turǵyny burynǵy áskerı qaqtyǵys bolǵan aýmaqta mınaǵa túsip, jaraqat aldy, dep habarlaıdy AZERTADJ agenttigi.

Agenttiktiń Іshki ister mınıstrligi, Bas prokýratýra jáne Ázerbaıjan Respýblıkasynyń Mınalardy tazartý agenttiginiń (ANAMA) baspasóz qyzmetterine silteme jasap habarlaýynsha, 26 naýryz kúni okkýpatsııadan bosatylǵan Agdam aýdanynyń ıÝsıfdjanly aýyly aýmaǵynda mına jarylǵan.

Málimetke sáıkes, Agdam aýdanynyń ıÝsıfdjanly aýylynyń turǵyny Abbasov Djeıhýn Fırdovsı oglý burynǵy shep aýmaǵynda, mınalardan tazartylmaǵan jerde jaıaý áskerge qarsy mına jarylysynyń saldarynan sol aıaǵynan jaraqat alǵan.

Atalǵan fakti boıynsha Agdam aýdandyq prokýratýrasynda tergeý amaldary júrgizilip jatyr.

Aıta keteıik, Germanııanyń Drezden qalasynda kóne bomba tabylyp, 18 myń adam evakýatsııalandy.

Sondaı-aq byltyr Germanııada Ekinshi dúnıejúzilik soǵys kezindegi bomba jarylyp, 58 adam jaraqat aldy.