Ázerbaıjanda birinshi EYU áıelder forýmy ótedi

ASTANA. KAZINFORM – Ázerbaıjannyń Lachyn qalasynda Ekonomıkalyq yntymaqtastyq uıymynyń (EYU) birinshi áıelder forýmy ótedi. Bul týraly Report.az habarlady.

Іs-shara 2 shildede Ázerbaıjan prezıdenti Ilham Álıevtiń bastamasymen «EYU aptalyǵy» aıasynda ótedi.

Forýmnyń negizgi maqsaty – adam damýynyń barlyq salasynda áıelderdiń múmkindikterin keńeıtý úshin EYU elderi arasyndaǵy sektoraralyq yntymaqtastyqty ilgeriletý, sondaı-aq búkil EYU aımaǵynda ınklıýzıvti jáne turaqty qoǵamdardy qurýdaǵy áıelderdiń rólin kúsheıtý.

Forým sondaı-aq EYU aımaǵyndaǵy kóshbasshy áıelder men tıisti halyqaralyq seriktes uıymdar arasynda dıalog, yntymaqtastyq jáne tájirıbe almasý alańy bolady.

Qosa keteıik, ótken jyly Almatyda Ortalyq Azııa elderiniń kóshbasshy áıelderi bas qosyp, genderlik teńdik, beıbitshilik, bıznes jáne bala tárbıesi máselelerin talqylaǵan bolatyn.