Ázerbaıjanda birqatar memlekettik qurylymdar qaıta quryldy

BAKÝ. QazAqparat - Ázerbaıjan prezıdenti birneshe memlekettik qurylymdardy qysqartyp ornyna jańasyn uıymdastyrý týraly qaýlyǵa qol qoıdy, dep habarlaıdy Ázerbaıjandaǵy «QazAqparat» HAA tilshisi.

Qaýlyǵa sáıkes, Ekonomıka mınıstrliginiń Monopolııaǵa qarsy saıasat jáne tutynýshylardyń quqyqtaryn qorǵaý jónindegi memlekettik qyzmet kesheniniń aıasynda Monopolııaǵa qarsy jáne tutyný naryǵyn baqylaý jónindegi memlekettik agenttik qurylady. Jańa agenttik ortalyq atqarý bıligi statýsyna ıe bolady.

Avtorlyq quqyqty qorǵaý agenttiginiń Patentter men saýda belgileri ortalyǵyna qosylýy nátıjesinde Zııatkerlik menshik agenttigi paıda bolady. Agenttiktiń quryltaıshysynyń negizgi ókilettikteri Ázerbaıjan prezıdentiniń qolynda bolady.

Budan basqa, Standarttaý, metrologııa jáne patent jónindegi memlekettik komıssııa taratylady. Onyń ókilettikteri eki qurylym arasyna bólinedi. Monopolııaǵa qarsy jáne tutyný naryǵyn baqylaý jónindegi memlekettik agenttikke tehnıkalyq retteý, standarttaý, metrologııa, sáıkestikti baǵalaý, akkredıtteý jáne sapany basqarý ókilettikteri beriledi. Sonymen qatar, atalmysh agenttikke Ázerbaıjannyń metrologııa ınstıtýty, Ázerbaıjan standarttaý ınstıtýty jáne Ázirbaıjan akkredıtteý ortalyǵy sııaqty qoǵamdyq qurylymdardyń ókilettilikteri beriledi.

Zııatkerlik menshik agenttigine ónerkásiptik menshik nysandaryn qorǵaý ókilettiktigi beriledi.

Ázerbaıjan prezıdenti, sonymen qatar Mádenıet jáne týrızm mınıstrligin taratyp, onyń ornyna Mádenıet mınıstrligi jáne Ázerbaıjannyń týrızm boıynsha memlekettik agenttigin qaıta qurdy.