Ázerbaıjanda bilim berý mekemeleri ýaqytsha jumysyn toqtatady
BAKÝ. QazAqparat – Ázerbaıjannyń mınıstrler kabıneti janyndaǵy jedel shtab ókilderi barlyq bilim berý oryndarynyń jumysyn toqtatyp, barlyq is-sharalardy keıinge qaldyrý jóninde sheshim qabyldady, dep habarlaıdy QazAqparat.
Atap aıtqanda, Shtabta bıylǵy jylǵy naýryzdyń 3-i men 9-y aralyǵynda juqpaly aýrýlardyń aldyn alý, aldyn alý sharalarynyń tıimdiligin arttyrý, emdeý-saýyqtyrý, dezınfektsııalaý men osy sııaqty ózge de jumystardyń qarqynyn arttyrý maqsatynda eldiń barlyq bilim berý mekemelerinde (balbaqshalar, mektepter men JOO-lar) oqý protsesin toqtatý toqtatý jóninde sheshim qabyldandy.
Bilim berý mekemelerinde sabaq 10 naýryzdan bastalady.
Osy ýaqytta Bilim jáne ǵylym mınıstrligi men atqarýshy bıliktiń tıisti organdaryna ózderiniń basqarýyndaǵy barlyq oqý oryndarynda medıtsınalyq-profılaktıkalyq jáne dezınfektsııalaý jumystaryn júrgizý mindetteldi.
