Ázerbaıjanda «Bayterek» brendimen un óndirilmek
Buryn Ázerbaıjan Qazaqstannan jyl saıyn 500 myńnan 1,1 mln tonnaǵa deıin un ımporttaıtyn edi. 2014 jyldan bastap ázerbaıjandyq un tartýshylar túgeldeı Reseı unyna bet burdy. Óıtkeni onyń da sapasy Qazaqstannyń unynan kem túspeıdi ári tasymaldaý jaǵy arzan», - deıdi E. Baımuhametov.
Onyń aıtýynsha, qazir Qazaqstan unyn Ázerbaıjanǵa kóbirek eksporttaý jaǵy qarastyrylyp jatyr. Ekonomıkalyq yntymaqtastyq jónindegi Qazaqstan-Ázerbaıjan úkimetaralyq komıssııasynyń ótken jyldyń jeltoqsanynda Bakýde ótken 14-otyrysynda Qazaqstan astyǵyn jetkizý kólemin arttyrý máselesi talqylanǵan bolatyn.
«Ázerbaıjanǵa Qazaqstan uny eki jolmen tasymaldanady. Biri - Aqtaý jáne Quryq porttarynan Alıat portyna teńiz arqyly, ekinshisi - qurlyqpen Reseı aýmaǵy arqyly», - deıdi E. Baımuhametov.
Kompanııanyń top-menedjeriniń sózine qaraǵanda, Qazaqstan unynyń Ázerbaıjan naryǵyndaǵy negizgi básekelesi - Reseı, onyń ústine Ázerbaıjan sońǵy jyldary ımport kólemin qysqartý maqsatynda bıdaı alqaptaryn keńeıtýge kúsh salýda.
Budan tys, kompanııa Ázerbaıjan naryǵyna Qazaqstan bıdaıynan tartylǵan «Bayterek» unyn usynyp jatyr. Qazirgi kezde Baký astyq termınaly teńiz portynda astyq daqyldaryn qaıta tıeýdi joǵary tehnologııalarmen iske asyratyn jalǵyz kompanııa bolyp otyr.
Termınal 15 myń tonnaǵa deıin astyq saqtaý jáne jyl saıyn 300 myń tonnaǵa deıin astyq daqyldaryn tıeý qýatyna ıe. Astyq termınalynyń quramyna kiretin dıirmen kesheni táýligine 150 tonna un tartyp, jylyna 50 myń tonnaǵa deıin astyq óńdeı alady.
