Ázerbaıjanda bankter birigýi múmkin

ASTANA. QazAqparat - Qaıta uıymdastyrýǵa baılanysty Ázerbaıjanda Caspian Development Bank taratylyp, Atabank-ke qosylady, dep habarlaıdy trend.az .

Ázerbaıjan bankter qaýymdastyǵynyń tóraǵasy Zakır Nýrıev Ázerbaıjandaǵy bankterdiń birigýiniń áli de jalǵasýy múmkin dep sanaıdy.

«Biz bankter tarapynan jasalǵan mundaı qadamdardy (birigýdi) quptaımyz. Qazirgi ýaqytta ekonomıkanyń munaıdan keıingi kezeńge ótýi men banktik jáne qarjylyq sektorlardyń qaıta qurylýy aıasynda naryqta anaǵurlym tıimdirek bankterdiń paıda bolýy óte mańyzdy. Osy oraıda, bankterdiń birigýi mańyzdy máselelerdiń biri bolyp tabylady. Jaqynda eki bank birigý týraly sheshim qabyldady jáne biz muny ózge bankter úshin úlgi bolady dep sanaımyz, aldaǵy ýaqytta bank sektoryndaǵy shoǵyrlandyrýlarǵa kýá bolýymyz múmkin», - dedi Zakır Nýrıev.

Caspian Development Bank pen Atabank aktıvterin baǵalaý úshin bastapqy ýaǵdalastyq ornatylǵan PWC halyqaralyq konsaltıngtik kompanııasy shaqyryldy. Sol mezette memlekettik tirkeýge deıin eki bank barlyq kontragenttermen jeke jasalǵan azamattyq-quqyqtyq kelisimsharttar boıynsha óz mindetterin atqaratyn bolady.

Aıta keterligi, Ázerbaıjanda 32 bank bar.