Ázerbaıjanda arnaıy karantın rejımi uzartyldy

ASTANA. KAZINFORM – Tıisti qaýlyǵa Premer-mınıstr Alı Asadov qol qoıdy, dep habarlaıdy Anadolu.

Mınıstrler kabıneti Ázerbaıjan Respýblıkasynyń aýmaǵynda erekshe karantın rejımin uzartý týraly sheshim qabyldady.

Tıisti qaýlyǵa Premer-mınıstr Alı Asadov qol qoıdy.

Qaýlyǵa sáıkes, elde koronavırýs ınfektsııasynyń (COVID-19) taralýyn jáne onyń yqtımal saldaryn boldyrmaý maqsatynda Ázerbaıjan Respýblıkasynyń aýmaǵynda erekshe karantın rejımi 2026 jylǵy 1 shilde saǵat 06:00-ge deıin uzartyldy.

Aıta keteıik, Qazaqstanda jyl basynan beri koronavırýs ınfektsııasynyń 6 jaǵdaıy tirkeldi. Bul týraly Ortalyq kommýnıkatsııalar qyzmetinde ótken brıfıngte QR DSM Sanıtarııalyq-epıdemıologııalyq baqylaý komıtetiniń tóraǵasy Sarhat Beısenova habarlady.