Ázerbaıjanda áleýmettik jelide TJM qatysty kadrlardy taratqan polkovnık qamaýǵa alyndy

BAKÝ. QazAqparat - Ázerbaıjanda áleýmettik jelide Tótenshe jaǵdaılar mınıstrligine qatysty kadrlardy taratqan polkovnık qamaýǵa alyndy, dep habarlaıdy QazAqparat Trend.az saıtyna silteme jasap.

Bas prokýratýranyń baspasóz qyzmeti juma kúni tergeý basqarmasynda qozǵalǵan qylmystyq is boıynsha Zaýr Mırzoev Qylmystyq kodekstiń tıisti baptary boıynsha aıyptalýshy retinde tartylǵanyn málimdedi. Ázirbaıjannyń Bas prokýratýrasy Tótenshe jaǵdaılar mınıstrligi qyzmetkerlerine qatysty birqatar BAQ pen áleýmettik jelilerde taraǵan foto jáne beınejazbalarǵa qatysty tergeý júrgizip jatqan.

Osylaısha, Tótenshe jaǵdaılar mınıstrligi Memlekettik órtke qarsy qyzmeti bastyǵynyń kómekshisi ishki qyzmet polkovnıgi Zaýr Mırzoev arnaıy baǵdarlamalyq qamtamasyz etý arqyly qyzmettik kompıýterine beıne jáne sýretke túsirý úshin jasyryn kamera ornatqany anyqtaldy. Ol óz quzyretiniń sheginen shyǵatyn áreketterimen azamattardyń quqyqtary men zańdy múddelerine, sondaı-aq mınıstrliktiń iskerlik bedeline aýyr zııan keltirgen.

Zaýr Mırzoev 17 tamyzda kúdikti retinde ustaldy.