Ázerbaıjanda Abaı shyǵarmashylyǵyna arnalǵan estafeta jalǵasýda

BAKÝ. QazAqparat – Baký memlekettik ýnıversıteti túrkologııa kafedrasynyń dotsenti, Abaı Qunanbaev atyndaǵy qazaq tili, tarıh jáne mádenıet ortalyǵynyń jetekshisi, f.ǵ.k. Fatıma Dýrsýnova Abaıdyń 175 jyldyǵyna arnalǵan estafetany jalǵastyrdy. Ol Abaıdyń 19-shy qara sózin oqyp berdi, dep habarlaıdy QazAqparattyń menshikti tilshisi.

Abaı shyǵarmasynan úzindi oqyǵan ǵalym Fatıma Dýrsýnova estafetany ál-Farabı atyndaǵy QazUÝ rektory Ǵalymqaıyr Mutanovqa jáne ýnıversıtettiń professorlyq-oqytýshylyq quramyna joldady.

Aıta keteıik, Baký ýnıversıteti janyndaǵy qazaq tili, tarıh jáne mádenıet ortalyǵy 2011 jyldan beri jumys istep keledi.

Avtor: Bekbaý Taımanov