Ázerbaıjanda 7 úmitker prezıdent saılaýyna túsedi

Ázerbaıjannyń Ortalyq saılaý komıssııasy (OSK) respýblıka prezıdenttigine taǵy 4 adamnyń kandıdatýrasyn tirkedi, dep habarlaıdy Kazinform. 

OSK otyrysynda «Uly jasampazdyq» partııasynan Fazıl Mýstafa, «Uly Ázerbaıjan» partııasy atynan Elshad Mýsaev, «Ázerbaıjannyń biryńǵaı halyq maıdany» partııasynan Gýdrat Gasangýlıev jáne ózin usynǵan Fýad Alıevtiń kandıdatýralaryn tirkeldi.

Buǵan deıin 30 jeltoqsanda Ortalyq saılaý komıssııasy (OSK) Ilham Geıdar Oglý Alıevtiń kandıdatýrasyn «Enı Ázerbaıjan» partııasynyń atynan Prezıdent laýazymyna úmitker retinde tirkedi. Sondaı-aq 8 qańtarda ÁR Áleýmettik zertteýler ortalyǵy basqarmasynyń tóraǵasy Zahıd Orýdj jáne ÁR Mıllı Medjlısiniń VI shaqyrylym depýtaty Razı Nýrýllaev tirkelgen bolatyn. Osylaısha Ázerbaıjan prezıdenttigine tirkelgen úmitker sany 7 adamǵa jetti.

Prezıdentikke úmitkerlerdi tirkeý úshin OSK qujat tapsyrý merzimi 8 qańtarda aıaqtalǵanyn aıta keteıik.

Jalpy saılaý naýqany bastalǵaly Ortalyq saılaý komıssııasyna úmitkerlerdi tirkeý týraly 17 aryz kelip túsken.

Eske salaıyq, Ázerbaıjanda 2024 jyldyń 7 aqpanynda kezekten tys prezıdent saılaýy ótedi.