Ázerbaıjanda 24 naýryzdan 20 sáýirge deıin karantın jarııalandy

BAKÝ. ÁZERTADJ – QazAqparat – 3 naýryzda Mınıstrler kabınetinde eldiń premer-mınıstri Alı Asadovtyń tóraǵalyǵymen otyrys ótti. Jıynda eldegi koronavırýs ınfektsııasy talqylanyp, ınfektsııanyń taralýyna jol bermeý úshin qatań rejım qoldaný týraly sheshim qabyldandy, dep habarlaıdy QazAqparat ÁZERTADJ agenttigine silteme jasap.

Ázerbaıjan Respýblıkasy Mınıstrler kabıneti janyndaǵy Jedel shtab taratqan habarlamada koronavırýs pandemııasynyń ádemde taralýyna qarsy kúreste túrli elderdiń tájirıbesi nazarǵa alynǵany aıtylǵan.

Ázerbaıjan Respýblıkasynyń «Sanıtarlyq-epıdemıologııalyq jaǵdaı týraly» Zańynyń 25-babyna sáıkes, Ázerbaıjan Respýblıkasynda koronavırýs ınfektsııasy taralýynyń aldyn alý maqsatynda 24 naýryz 00:00-den 20 sáýir 00:00-ge deıin karantın rejımi jarııalandy.